防水防潮優質地板

近年香港越來越多人鍾意用石塑地板，它勝在安裝簡單、防潮防水、低冷縮熱脹，好適合香港這種氣候潮濕地區用。

石塑地板, 英文SPC (Stone plastic composite flooring), 外國有人叫佢做 Rigid core luxury vinyl flooring，主要由石粉（碳酸鈣，CaCO₃）加上塑膠（聚氯乙烯，PVC）而成，最上方通常是PVC耐磨層，可以有效避免地板受到磨損，耐磨等級每個牌子規格會有所不同。

SPC結構大同小異，主要有4 層。

面層是耐磨層 (Wear Layer)，是有凹凸紋理的透明膠，為地板提供質感和保護；

裝飾層 (Decor Film Layer)是一張印有木紋圖案紙，地板圖案花紋就來自此層；

石塑層採用混合石材、PVC、穩定劑等作為原料，使地板穩定性及防水效果佳；

靜音層 (Back Padding) 增加地板柔軟度，並有隔音效果；

另外部分牌子石塑地板還會有抗UV層(UV Coating)，作用分別是在地板面層抗紫外線、抗污，維持SPC地板色澤。

 

首先，介紹一下SPC地板的優點：

耐磨層加石塑層組合，完全做到防潮、防水、耐磨、耐刮、阻燃、無重金屬、耐酸鹼、膨脹及收縮率低、防蟲等功能，幾乎可以做到完美平衡。

更健康，SPC地板唔用膠水, 用熱壓技術直接把所有結構層壓埋，而所用的PVC大多數通過 FloorScore 或 GreenGuard 認證的零或低 VOC(揮發性有機化合物)產品。

人工平，安裝方便，SPC地板可以直接係任何平面上直接鋪設，而且地板夠薄，就算鋪係舊地磚或木地板上面都唔會影響樓底高度。唔需要嘥錢拆走舊地磚及木地板已經慳一大截。

容易清潔，SPC地板相當粗用而且唔易食色，唔怕果汁、紅酒、可樂、醋滴落地板。市面大多數清潔劑都可以用來清潔SPC地板。

 

世事無完美, SPC地板都有佢缺點：

“耐磨”唔係”超耐磨”，SPC地板耐磨層是PVC，唔似纖維地板所用三氧化二鋁耐磨層堅硬，所以尖銳金屬一樣會刮傷SPC地板耐磨層。

唔可以鋪室外地方，因為PVC怕高溫所以另到SPC地板一樣怕高溫。如果鋪在室外直接受太陽長期曝曬，地板很易出現裝飾層甩色及地板翹起情況。所以亦千萬唔好用蒸汽拖把清潔地板。

唔建議鋪浴室，雖然SPC地板係防水，但如果水由牆邊滲到地板下，長久會產生異味。

對地基平坦度要求偏高，如果地基高低差嚴重，長期使用後可能有地板損壞及斷扣情況發生。