地板斜角

地板邊位嘅設計基本分為無縫(seamless)和斜角(bevel)兩種。
無縫(seamless)指地板四邊都係90度直角，地板鋪好後睇到一大幅只有花紋嘅平面, 視覺上會令到空間感加大。而斜角(bevel / 4V)指地板四邊都係45度斜角， 地板鋪好後每件地板睇到明顯分隔，凸出每件地板立體感。不過無縫同4V之間仲有一種叫2V，地板只有長嗰邊有斜角，而短嗰邊係無縫，可以視覺上令地板長度無限伸延。

Bevel 有好多叫法: 倒角、斜角、斜邊、雞咀、V槽，而SPC(石塑地板)同Laminate(纖維地板)嘅bevel設計亦有少少分別(見下圖)。

SPC嘅 Bevel一搬都會幼過 Laminate少少，而最大分別係 Micro Bevel，Laminate 嘅 micro bevel係一條細斜角，但係 SPC嘅 micro bevel係比較接近無縫嘅孤角。

Bevel唔只係設計啱簡單，佢仲有功能性嘅作用。地板始終避免唔到冷縮熱脹，而每件伸縮性未必一樣，所以當有地板冷縮熱脹時會導致地板高底不平，板同板拼接位會出現高底差，依個時侯 Bevel就可以發揮調節功能，減底地板高底不平感覺。